इंदोरीत गुलाब ढोरे, प्रशांत भागवत यांचा सत्कार

इंदोरी, ता. २८ ः येथील इंदोरी विविध कार्यकारी सहकारी सोसायटीचे सचिव गुलाब ढोरे यांना पुणे जिल्हा सहकारी बॅंकेकडून २०२४-२५ या आर्थिक वर्षातील उत्कृष्ट कामगिरीबद्दल मानाचा पुरस्कार देऊन सन्मानित करण्यात आले. तसेच माजी उपसरपंच प्रशांत भागवत यांची पुणे जिल्हा बैलगाडा मालक संघटनेच्या उपाध्यक्षपदी निवड झाली आहे. याबद्दल इंदोरी सहकारी सोसायटी व ग्रामस्थ यांच्या वतीने ढोरे व भागवत यांचा सोसायटीचे चेअरमन विठ्ठल ढोरे व मावळते चेअरमन आबासाहेब काशीद यांच्या हस्ते सत्कार करण्यात आला. तर अध्यक्षस्थानी सोसायटीचे ज्येष्ठ संचालक व कृषी बाजार समितीचे संचालक दिलीप ढोरे होते.
याप्रसंगी मावळचे माजी सभापती विठ्ठल शिंदे, माजी जि. प. सदस्य प्रशांत ढोरे, माजी चेअरमन अंकुश ढोरे व अरविंद शेवकर, सरपंच शशिकांत शिंदे, माजी सरपंच मधुकर ढोरे-पाटील, संचालक जगन्नाथ शेवकर व बाळकृष्ण पानसरे यांनी अभिनंदनपर मनोगत व्यक्त करून शुभेच्छा दिल्या. प्रास्ताविक व स्वागत संत तुकाराम साखर कारखान्याचे संचालक संदीप काशीद यांनी केले. माजी सरपंच रमेश घोजगे व माजी उपसरपंच संदीप नाटक यांनी सूत्रसंचालन केले. नियोजन महेश पानसरे, लक्ष्मण गाडे यांनी केले. आभार माजी उपसरपंच दिनेश चव्हाण यांनी मानले.
---
PNE25V35079, PNE25V35082