संरक्षक लोखंडी कठडे चोरीला जाण्याचे प्रकार

इंदोरी, ता. १० ः तळेगाव-चाकण रस्त्यावरील नदी- ओढ्यावरील पुलाचे दोन्ही बाजूंचे तसेच धोकादायक वळणावर असलेले लोखंडी कठडे वारंवार चोरीस जात आहेत. चोरांनी श्रीक्षेत्र भंडारावर जाणाऱ्या रस्त्यावरील कठड्यांकडे मोर्चा वळविल्याचे दिसत आहे.
याबाबत बोलताना भाविक भीमाजी दाभाडे म्हणाले, ‘‘लोखंडी कठडे नट बोल्टच्या माध्यमातून फिक्स केले जातात. दिवसभरात चोरी करणारे कुणाच्याही लक्षात येणार नाही, अशा सावधगिरीने नट बोल्ट काढून लोखंडी कठडे, पट्ट्या खुल्या करून ठेवतात. रात्री वाहनांमधून
नेतात. भंगार साहित्य म्हणून विकतात. या चोरीस आळा घालण्यासाठी नट बोल्ट न वापरता सहजतेने खुले करता येणार नाही असे लावावेत, असे पंडित भसे यांनी सांगितले. रस्त्यावर कचरा टाकणाऱ्यांचे बंदोबस्तासाठी जशी युवकांनी गस्त चालू केली होती. तशी यासाठी ही गस्त
चालू करावी. तसेच रस्त्याने जाणाऱ्या लोकांनी या संरक्षक कठड्यांचे जवळपास संशयित आढळल्यास त्याचठिकाणी त्यांची चौकशी करून शहानिशा करून घेतली तर चोरीस आळा बसेल, असे संदीप नाटक व आबासाहेब हिंगे यांनी सांगितले.