नोकरदारांना कामावर जाताना कसरत

जाधववाडी, ता. ८ ः चाकण जाण्यासाठी देहू - आळंदी रस्ता सोयीस्कर असल्याने मोशी, जाधववाडी व शाहूनगरमधील असंख्य नोकरदार, मालवाहतूक वाहने त्याचा वापर करतात. मात्र, चाकण एमआयडीसी, तळवडे आयटी पार्क इत्यादी ठिकाणी नोकरदारांना नेहमी कसरत करावी लागते.
देहू आणि आळंदी रस्ता दिवसभर वाहतुकीने गजबजलेला असतो. सकाळ-संध्याकाळ एवढी वाहतूक कोंडी असते की कामावर जावे किंवा नाही ? असा प्रश्न नोकरदारांच्या मनात येत असतो.

प्रमुख कारणे...
- पिंपरीकडून येणारा रस्ता व मोई गावातून येणारा रस्ता मोई फाट्यावर एकत्र
- सिग्नल यंत्रणेत अधून मधून बिघाड, चेंबर बनवण्यासाठी खड्डा, परंतु दुरुस्ती नाही
- मोरे पाटील चौकात पिंपरीकडे जाणारा कुदळवाडी रस्त्यावरील बंद सिग्नल

उपाय योजना काय ?
- मोई फाट्यावरील नादुरुस्त सिग्नल दुरुस्त करणे
- खड्डे सिमेंट काँक्रिटने बुजविणे, चेंबरच्या जागी दुरुस्ती करणे
- जाधववाडी चौकात रस्ता दुभाजकाची लांबी वाढविणे

देहू - आळंदी हा रस्ता म्हणजे डोकेदुखीच आहे. मोशी ते तळवडे फक्त १० मिनिटांचे अंतर आहे. परंतु आम्हाला पाऊण तास लागतो. इंधन आणि वेळची वाट लागते.
- शुभम पाटील, वाहन चालक