साईजीवन शाळेच्या विद्यार्थ्यांचे शिष्यवृत्ती परीक्षेत घवघवीत यश

जाधववाडी, ता.१५ ः पिंपरी चिंचवड महापालिका संचलित साईजीवन शाळेच्या विद्यार्थ्यांनी शिष्यवृत्ती परीक्षेत पुणे जिल्ह्याच्या गुणवत्ता यादीत स्थान पटकाविले आहे.
राज्य परीक्षा परिषदेतर्फे पाचवी आणि आठवीच्या विद्यार्थांसाठी शिष्यवृत्ती परीक्षा फेब्रुवारी महिन्यात घेण्यात आली होती.
जाधववाडी येथील मनपा साईजीवन कन्या आणि मुले शाळेतील पाचवीचे तीन आणि आठवीचे चार अशा एकूण सात विद्यार्थ्यांनी घवघवीत यश मिळवत गुणवत्ता यादीत स्थान पटकाविले. या विद्यार्थ्यांमध्ये प्रज्ञा काळे, स्नेहल चव्हाण, अमृता शिंदे, शशिकला थोरात, फरहिन शेख, आदिती पवळे आणि शुभम इटगी इत्यादी विद्यार्थ्यांचा समावेश आहे.
या यशाबद्दल प्रशासन अधिकारी संगीता बांगर, पर्यवेक्षिका प्रमिला जाधव, मुख्याध्यापिका मृगनयना चव्हाण, शिक्षक मंगेश भोंडवे, जयश्री गळीतकर, शांताराम रोकडे, अमोल फुंदे आणि ग्रामस्थ, सर्व पालकांकडून कौतुक करण्यात आले.
या सर्व यशस्वी विद्यार्थ्यांना आबासाहेब पाळवदे, दिनेश पाखरे, जितेंद्र कराड, राहुल खाबडे इत्यादी शिक्षकांचे मार्गदर्शन लाभले.