मोई फाटा रस्त्यावर सांडपाण्याने अपघात

जाधववाडी, ता.१९ ः मोई फाटा रस्त्यावरील मोरे - पाटील चौक आणि मोई फाटा ठिकाणी चेंबरमध्ये घाण अडकल्याने त्यामधून सांडपाणी बाहेर येत आहे.
हे सांडपाणी थेट मुख्य रस्त्यावर येत असल्याने रस्ता निसरडा झाला आहे. त्यामुळे मागील दोन दिवसांपासून दुचाकी घसरून पडल्याच्या घटना घडत आहेत. याशिवाय परिसरात दुर्गंधी आणि डासांचे प्रादुर्भाव वाढला आहे.
मुख्य चौकापर्यंत पाणी वाहत असल्याने खोलगट भागात पाणी साचून राहत आहे. त्यामुळे वाहतुकीस अडथळा निर्माण होऊन वाहतूक कोंडी होण्यास कारणीभूत होत आहे. महापालिकेने त्वरित कारवाई करावी, अशी मागणी नागरिक करत आहेत.
दुचाकीस्वार सखाराम चौधरी म्हणाले,‘‘मी या रस्त्यावरून रोज कामावर जात असतो. मात्र तीन दिवसांपासून तेथे गटाराचे पाणी रस्त्यावर आल्याने वाहतूक कोंडी तर होतेच; पण दुर्गंधी आणि अपघाताचा धोका वाढला आहे.

JDW25A00220