जाधववाडी-चिखली रस्ताच ‘खड्ड्यात’

जाधववाडी, ता. २२ : येथून चिखली बसस्थानकाकडे जाणाऱ्या रस्त्यावर किठिकाणी खड्डे पडले आहेत. तेथून जाताना वाहनचालक आणि पादचाऱ्यांना कसरत करावी लागत आहे.
चिखली बस स्थानकापासून जाधववाडी रस्त्यावर इतके खड्डे आहेत, की चालणेदेखील कठीण झाले आहे. त्यामुळे वाहनचालकांची अडचण होत आहे. पावसाला सुरू व्हायच्या आधी पालिकेने कुठलीही दुरुस्ती केली नाही. तर, दरवर्षी पावसाळा सुरू झाल्यावर तात्पुरती डागडुजी केली जाते. मात्र, पाऊस आला की खड्डे लगेच उघडे पडतात. खड्ड्यांमध्ये वाळू आणि मुरुम टाकून बुजवले जाते. त्यामुळे पालिका प्रशासन या परिसराकडे दुर्लक्ष करत आहे, असा आरोप नागरिक करत आहेत.

जाधववाडी-चिखली रस्त्यावर इतके मोठे खड्डे आहेत, की त्यावरून वाहनचालकांना आणि पादचाऱ्यांना रस्ता शोधताना अडचणी येत आहेत. पाऊस पडल्यावर ही समस्या आणखी तीव्र होते.
- संतोष चौधरी, वाहनचालक

PNE25V33513