बीआरटी मार्गातून खासगी वाहने सुसाट

जाधववाडी, ता. २३ : शाहूनगर जवळील केएसबी चौक ते स्पाइन रोडपर्यंत बीआरटी मार्गावर अनेक खासगी वाहनचालक घुसखोरी करतात. त्यामुळे बीआरटी नक्की कोणासाठी? हा प्रश्न निर्माण झाला आहे.
पिंपरी चिंचवड शहरात जलद वाहतूक व्यवस्थेसाठी बीआरटी मार्गाचे जाळे आहे. त्यातून फक्त पीएमपी बस जाण्याची परवानगी असते. परंतु या मार्गावरून अनेक खासगी वाहने जात आसल्याने अपघाताचा धोका निर्माण झाला आहे. बऱ्याचवेळा बसच्या मार्गात अडथळे येतात. त्यामुळे कर्मचारी, विद्यार्थ्यांना उशीर होतो. त्यामुळे बीआरटी मार्गातून जाणाऱ्या खासगी वाहनचालकांवर कारवाई करावी, अशी मागणी होत आहे.

बीआरटी मार्गातून खासगी वाहने जात असल्याबाबत अनेक नागरिक आणि प्रवाशांनी तक्रारी केल्या आहेत.
खासगी वाहने बीआरटीमधून येत आल्याने बस उशिरा येते. त्यामुळे कार्यालयात जायला उशीर होऊन मानसिक त्रास होतो.
- योगेश नाळे, प्रवासी