जाधववाडी, ता. ७ ः पूर्णानगर परिसरात दर शनिवारचा आठवडे बाजार नागरिकांसाठी त्रासदायक ठरत आहे. बाजारामुळे रस्त्यावर दोन्ही बाजूंनी वाहने उभी केली जात असून वाहतूक कोंडीची तीव्र समस्या निर्माण झाली आहे.
वाहनांची प्रचंड गर्दी, फेरीवाले आणि ग्राहकांची वर्दळ यामुळे दर शनिवारी सकाळपासून संध्याकाळपर्यंत रस्ता अरुंद होतो. त्यामुळे, नागरिकांना विशेषतः शालेय विद्यार्थ्यांना रस्ता ओलांडताना मोठा त्रास सहन करावा लागत आहे. काही ठिकाणी वाहतूक अडकून राहिल्याने नागरिकांना वेळेत कामावर पोहोचणे कठीण झाले आहे. याशिवाय इथे शनी मंदिर असून शनिवारी मंदिरात भाविकांची गर्दी होत असते. वाहने उभी करण्यासाठी मंदिर परिसरात जागा नसल्याने अनेक भाविक रस्त्याच्या कडेला आपली वाहने लावतात. त्यामुळेही कोंडीमध्ये आणखी भर पडत आहे.
बाजाराच्या गर्दीमुळे पादचाऱ्यांना चालणेही कठीण झाले आहे. अनेक वेळा रस्त्यावरून जाणाऱ्या ज्येष्ठ नागरिक, महिला व लहान मुलांना वाहनांच्या गर्दीतून वाट काढावी लागते. बाजारामुळे आमच्या सोसायटीच्या बाहेरच वाहने उभी केली जातात. त्याने आमची वाहने बाहेर काढण्यासाठी अर्धा तास लागत असल्याचे स्थानिक रहिवाशांचे म्हणणे आहे. बाजारासाठी तसेच वाहन लावण्यासाठी स्वतंत्र ठिकाणे निश्चित करावीत, जेणेकरून वाहतूक सुरळीत राहील, अशी त्यांची मागणी आहे.
बाजाराच्या गर्दीमुळे वाहतूक थांबते. शाळेची मुले, ज्येष्ठ नागरिक चालणे अवघड झाले आहे. प्रशासनाने यावर तातडीने उपाय करावा.
- सुशांत शिंदे, नागरिक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.