देहूरोड येथे महामार्गावर केबलमुळे अपघाताचा धोका

देहूरोड, ता. ६ : पुणे- मुंबई महामार्गावर देहूरोड येथील लोहमार्ग पुलानजीक अस्ताव्यस्त पसरलेल्या खासगी केबलमुळे अपघाताचा धोका निर्माण झाला आहे. खासगी केबल चालकांनी निगडी बाजूकडून झाडांमध्ये केबल टाकत आणली आहे. लोहमार्ग पुलानजीक केबल दूरपर्यंत लोंबकळत असून, ही बाब वाहन चालकांच्या लक्षात आली नाही तर अपघाताची शक्यता आहे. याकडे वाहन चालकांनी लक्ष वेधले असून, देहूरोड पोलिस ठाण्यातील वाहतूक शाखेने लक्ष देऊन संबंधित केबल व्यवसायिकांना योग्य ती खबरदारी घेण्याची सूचना करावी, अशी मागणी नागरिकांनी केली आहे.

देहूरोड ः केबलमुळे महामार्गावर अपघाताचा धोका निर्माण झाला आहे.