लोढा येथील कचरा गहुंजे ग्रामपंचायत हद्दीत

दुसरीकडील कचरा गहुंजे हद्दीत

किवळे, ता. ६ : लोढा येथील कचरा गहुंजे ग्रामपंचायत हद्दीतील सेवा रस्त्यावर टाकत असलेला चालक व टेंपोस गहुंजेतील युवकांनी पकडून सर्व कचरा टेंपोमध्ये भरून पुन्हा लोढाच्या गेटवर टाकण्यात आला आहे.
वारंवार सांगून व ग्रामपंचायतीने पत्र देवूनसुद्धा पुन्हा कचरा सेवा रस्त्यावर टाकण्यात आला. नंतर तो कचरा लोढा बेलमोंडो गेटवर टाकण्यात आल्यावर दोन्ही गेट पूर्णपणे बंद करण्यात आले. याबाबत लोढाच्या प्रोजेक्ट मॅनेजरने झालेली चूक मान्य करून, अशी चूक पुन्हा होणार नसल्याचे सांगत तो सगळा कचरा उचला जाईल व सेवा रस्ताही स्वच्छ केला जाईल, असे ग्रामपंचायत पदाधिकाऱ्यांना सांगितले. यावेळी सरपंच कुलदीप गोविंद बोडके, उपसरपंच नितीन बोडके, सदस्य नीलेश बोडके, सामाजिक कार्यकर्ते नितीन भाटिया,आशिष बोडके उपस्थित होते.