किवळेत गरजू विद्यार्थ्यांना शालेय साहित्याचे वाटप

किवळे, ता. ९ : दिवंगत स्वातंत्र्य सैनिक बन्सीलाल लुनावत व विजयालक्ष्मी किशोरीलाल अग्रवाल यांच्या स्मरणार्थ कॅन्टोन्मेंट शाळेतील ३६० गरजू विद्यार्थ्यांना विनामूल्य शालेय साहित्याचे वाटप करण्यात आले. अध्यक्षस्थानी विज्डम हायस्कूलचे अध्यक्ष जयशंकर जयसिंग होते. पिंपरी-चिंचवड शहर शिवसेना प्रमुख नीलेश तरस, राजेंद्र तरस, तुषार तरस, काकासाहेब कारके, उद्योजक सुनील अग्रवाल, सतीश अग्रवाल, रामगोपाल अग्रवाल, रामभाऊ दांगट-पाटील, बाळासाहेब जाधव, रामचंद्र तरस, तुकाराम भोंडवे आदी उपस्थित होते. केंद्र प्रमुख एम.एफ. खान यांनी मनोगत व्यक्त केले.
शालेय साहित्य वाटप उपक्रमाचे हे यंदाचे २७ वे वर्ष आहे. निमंत्रक व किवळे येथील सामाजिक कार्यकर्ते सुरेश लुनावत यांनी प्रास्ताविक केले. श्याम भोसले, प्रतीक लूनावत व ओजस लुनावत यांनी संयोजन केले. संजय तापकीर, निखील शिंदे, निखील दुधावत यांचे सहकार्य लाभले. शकील मुजावर यांनी सूत्रसंचालन केले. सुनीता लुनावत यांनी आभार मानले.