किवळेत आज भीमजयंती महोत्सव

किवळे, ता.१३ : विकासनगर किवळे परिसरातील (प्रभाग क्रमांक १६) बौद्ध बांधवांच्यावतीने सोमवारी (ता. १४) सकाळी ११ ते सायंकाळी ७ पर्यंत बाबासाहेब आंबेडकर भीमजयंती महोत्सवाचे आयोजन करण्यात आले आहे.
विकासनगर रिक्षा थांब्याजवळ सकाळी १० महापुरुषांच्या प्रतिमेस पुष्पहार अर्पण व नंतर अन्नदान वाटप करण्यात येईल. यावेळी खासदार श्रीरंग बारणे, विधानसभेचे उपाध्यक्ष अण्णा बनसोडे, आमदार शंकर जगताप, आमदार अमित गोरखे आदी उपस्थित राहणार आहेत, अशी माहिती निमंत्रक संतोष म्हस्के यांनी दिली. अध्यक्ष सागर भालेराव, उपाध्यक्ष मुकुंद कांबळे, खजिनदार पूनम म्हस्के, विकास कडलक, अभिजित चव्हाण यांनी संयोजन केले आहे.