किवळे-रावेत सोसायटी संचालकपदी तुषार तरस

देहूरोड, ता. ४ : किवळे-रावेत विविध कार्यकारी सेवा सहकारी सोसायटीच्या संचालक मंडळात तुषार तरस यांची बिनविरोध निवड झाली. रवींद्र चव्हाण यांच्या निधनामुळे ही जागा रिक्त झाली होती. सोसायटीच्या देहूरोड येथील कार्यालयात निवडणूक निर्णय अधिकारी संतोष तळपे यांनी तरस यांची बिनविरोध निवड जाहीर केली. या वेळी सोसायटीचे अध्यक्ष रामदास दांगट, उपाध्यक्ष भावेश चव्हाण, संचालक व संत तुकाराम सहकारी साखर कारखान्याचे संचालक धोंडिबा भोंडवे यांच्या हस्ते तुषार तरस यांचा सत्कार करण्यात आला. यावेळी संचालक दिवाणजी भोंडवे, कल्पना फडके, दिनकर कातळे, नामदेव मसुडगे, मनोहर भोंडवे आदी उपस्थित होते.