भटक्या श्वानांच्या निर्बीजीकरणाकडे दुर्लक्ष

देहूरोड, ता. १३ : देहूरोड कॅन्टोन्मेंट बोर्ड परिसरात भटक्या श्वानांची संख्या वाढली आहे. त्यांचे निर्बीजीकरण आणि लसीकरण आवश्यक आहे. पण, प्रशासन त्याकडे दुर्लक्ष करत आहे. दरम्यान, येथील सेवानिवृत्त कर्मचारी सेल्वराणी बोटले यांनी या कामासाठी पुढाकार घेतला आहे.
छावणी क्षेत्रामध्ये भटक्या श्वानांची वाढती संख्या हागंभीर विषय झाला आहे. कॅन्टोन्मेंट बोर्डकडे सध्या श्वान नियंत्रणासाठी सक्षम यंत्रणा नाही. बोर्डाची आर्थिक अडचण, आणि पिंपरी-चिंचवड महापालिकेच्या हद्दीत समावेश नसल्यामुळे पालिकेच्या कारवाई पथकाचा येथे हस्तक्षेप होत नाही. परिणामी,भटक्या श्वानांचे प्रमाण वाढत असून नागरिकांमध्ये चिंता वाढली आहे.
दरम्यान, बोटले यांनी भटक्या श्वानांच्या लसीकरण आणि निर्बीजीकरणासाठी जनजागृती सुरू केली आहे. प्रशासनाने या कामात मदत करावी, अशी मागणी त्यांनी केली आहे.