एंजल पब्लिक स्कूलमध्ये वृक्षारोपण

किवळे, ता.१४ : गुरुपौर्णिमेनिमित्त एंजल पब्लिक स्कूलच्यावतीने वृक्षारोपण करण्यात आले. गुरुपौर्णिमा केवळ शिक्षकांचा आदर करूनच नव्हे; तर निसर्गालाही आदराने स्वीकारून साजरी करणे महत्त्वाचे आहे. हाच निसर्ग आपला खरा गुरू असल्याचे विचार मुख्याध्यापिका अॅड. शुभांगी तरस यांनी यावेळी व्यक्त केले.
यावेळी सदाशिव तरस, नवनाथ तरस, संतोष तरस, मच्छिंद्र तरस आणि ग्रामस्थ उपस्थित होते. शाळेच्या प्रशासनाने भविष्यातही असे पर्यावरणपूरक उपक्रम राबविण्याचे आणि विद्यार्थ्यांमध्ये पर्यावरणाबद्दल जबाबदारीची भावना वाढवण्याचे आश्वासन उपस्थित पालकांना दिले.
KIW25B04741