‘रोटरी’चे पदग्रहण उत्साहात

किवळे, ता.१७ ः रोटरी क्लब ऑफ भक्ती-शक्ती पीसीएमसीचा २०२५-२६ वर्षासाठीचा पदग्रहण समारंभ उत्साहात पार पडला. महेश कुदळे यांनी अध्यक्ष; तर विनायक घोरपडे यांनी सचिव म्हणून जबाबदारी स्वीकारली. नवीन संचालक मंडळाचीही नियुक्ती करण्यात आली. ‘चांगल्यासाठी एकत्र या’ अशा घोषवाक्याने कार्यकारिणीने सामाजिक उपक्रमांचा निर्धार केला. प्रमुख पाहुणे नितीन ढमाले यांनी कार्यकारिणीला शुभेच्छा देत रोटरीच्या मूल्यांवर प्रकाश टाकला. यावेळी क्लबचे सदस्य, स्थानिक प्रतिनिधी उपस्थित होते.