आँचल मोरे हिची निवड

किवळे, ता.७ : राज्याच्या क्रीडा व युवक सेवा संचालनालय, पुणे अंतर्गत बालेवाडीमधील शिवछत्रपती क्रीडापीठ येथे आयोजित निवड प्रक्रियेत गहुंजे येथील ब्लूमिंग इंटरनॅशनल स्कूलमधील विद्यार्थिनी आँचल मोरे हिची फुटबॉल खेळासाठी क्रीडा प्रबोधिनीमध्ये सरळ प्रवेशासाठी निवड झाली.
ही निवड २०२५-२६ या शैक्षणिक वर्षासाठी करण्यात आली असून राज्यातील प्रतिभावान खेळाडूंना आंतरराष्ट्रीय दर्जाचे प्रशिक्षण, संतुलित आहार व अत्याधुनिक क्रीडा सुविधा देण्यासाठी ही निवड प्रक्रिया राबविण्यात आली.
या यशाबद्दल शाळेच्या मुख्याध्यापिका विजीला राजकुमार, शाळेचे अध्यक्ष निखिल बोडके, व्यवस्थापकीय संचालक पौर्णिमा बोडके, खजिनदार साहेबराव बोडके यांनी आनंद व्यक्त केला.
KIW25B04831