किवळे-विकासनगर, मामुर्डी, देहूरोड परिसर गणेशमय

किवळे/देहूरोड, ता. २७ : देहूरोड कॅन्टोन्मेंट बोर्ड परिसरासह किवळे, विकासनगर, मामुर्डी भागांत विविध मंडळांकडून लाडक्या गणरायाची थाटात प्राणप्रतिष्ठा करण्यात आली.
किवळेगाव सार्वजनिक गणेशोत्सव मंडळ, (गावठाण) कोतवालनगर येथील त्रिशुल मित्र मंडळ, मुकाई चौकातील बापदेव मित्र मंडळांनी गणरायाची थाटात प्राणप्रतिष्ठा केली. तर, विकासनगर येथे श्री शिवछत्रपती तरुण मंडळ ट्रस्ट, श्रीकृष्ण मित्र मंडळ, हनुमान तरुण मंडळ, यंगस्टार मित्र मंडळ (टीसी कॉलनी) त्याचप्रमाणे मामुर्डीत मायटी युथ क्लब, शिवशक्ती तरुण मंडळ, जय भवानी मित्रमंडळ, अमर मित्रमंडळ, आदर्श मित्रमंडळ, साईनगरला नवज्योत मित्रमंडळ तसेच जय गणेश चॅरिटेबल ट्रस्टने गणेश मूर्तीची परंपरेप्रमाणे प्राणप्रतिष्ठा केली.
देहूरोड येथे महात्मा फुले अखिल मंडई मंडळ प्रतिष्ठान, नवशक्ती चैतन्य मित्र मंडळ (पन्नास वर्ष पूर्णत्व), सुदर्शन मित्र मंडळ, कोटेश्वरवाडी येथील सुभाष तरुण मंडळ, किन्हईत गुरुदत्त-गणेश,गजानन व बुवा साहेब महाराज प्रतिष्ठान मित्र मंडळ, झेंडेमळा श्री गणेश मित्र मंडळाने एक गाव एक गणपती उपक्रमांतर्गत विठ्ठल मंदिराजवळ प्रतिष्ठापना केली.
काळोखे मळा भागात जगद्गुरू मित्रमंडळ, चिंचोलीत हनुमान व्यायाम मंडळ, भैरवनाथ तरुण मंडळ, आदर्श मित्र मंडळ, शंकरवाडीत रामराज्य मित्र मंडळ, शेलारवाडीत शिवतेज तरुण मंडळ, सावता माळी तरुण मंडळ तसेच भेगडे अँड ग्रुप यांनीही श्री गणेशाची प्राणप्रतिष्ठा केली.