मिनीबस उलटून पिंपरीतील नऊ पर्यटक जखमी

दापोली, ता. २ : पर्यटनाहून परतताना मिनी बस उलटली. यात पिंपरी चिंचवड शहरातील नऊ जण जखमी झाले. ही घटना दापोली तालुक्यातील हर्णै बायपास परिसरात मंगळवारी (ता.२) दुपारी घडली.

पिंपरी चिंचवड येथील मिनीबस (एमएच-१४-जीयू-१६१६) दापोलीत आली होती. दरम्यान, बस मागे घेताना चालकाचा अंदाज चुकला आणि गाडी रस्त्याकडेला उलटली. या घटनेत क्षितिज गुगणे (वय ३५), आरोही गायकवाड (वय ४), पराग गायकवाड (४०), नेहा गायकवाड (३५), हितेश चौधरी (४०), ओजस कुलकर्णी (५१), सुरेश कुचेकर, महेश वाघमारे (३९), प्राजक्ता वाघमारे (३६, सर्व रा. पिंपरी चिंचवड) हे जखमी झाले. त्यांना तातडीने आसूद प्राथमिक आरोग्य केंद्र आणि नंतर अधिक उपचारासाठी दापोली उपजिल्हा रुग्णालयात नेण्यात आले. या सर्वांची प्रकृती स्थिर असल्याची माहिती पोलिसांनी दिली.