वरसोलीच्या उपसरपंचपदी अरविंद बालगुडे

लोणावळा, ता. १८ : वरसोली ग्रामपंचायतीच्या उपसरपंचपदी अरविंद बालगुडे यांची बिनविरोध निवड झाली आहे. विद्यमान उपसरपंच नलिनी खांडेभरड यांनी आपल्या पदाचा राजीनामा दिल्याने रिक्त झालेल्या जागेसाठी सरपंच संजय खांडेभरड यांच्या अध्यक्षतेखाली ग्रामपंचायत कार्यालयात निवड प्रक्रिया पार पडली. उपसरपंच पदासाठी बालगुडे यांचा एकमेव अर्ज आल्याने त्यांची बिनविरोध निवड घोषित करण्यात आली. यावेळी सदस्य नारायण कुटे, रजनी कुटे, मंदा पाटेकर, राहुल सुतार, मीना शीद, सीता ठोंबरे, विजय महाडिक, ग्रामविकास अधिकारी दीपक शिरसाठ आदी उपस्थित होते. निवडीची घोषणा होताच ग्रामस्थांच्या वतीने बालगुडे यांचा सन्मान करत भंडाऱ्याची उधळण करण्यात आली.