लोणावळ्यातील शिबिरात तीनशे जणांची तपासणी

लोणावळा, ता. ७ : लायन्स क्लब ऑफ लोणावळा-खंडाळा, लोणावळा औद्योगिक सहकारी वसाहत, फ्रँको इंडियन फार्मा आणि मनःशक्ती केंद्र यांच्या संयुक्त विद्यमाने येथे मोफत आरोग्य तपासणी शिबिराचे आयोजन करण्यात आले.
या शिबिरात सुमारे तीनशे लाभार्थ्यांची मधुमेह व युरिक अॅसिड तपासणी झाली. धनुर्वात प्रतिबंधक (टिटॅनस इंजेक्शन) लसचा सुमारे ४५० नागरिकांनी तपासणीचा लाभ घेतला. नांगरगाव औद्योगिक वसाहतीमधील शुभस्पर्श दवाखाना येथे झालेल्या या शिबिरात लायन्स क्लब अध्यक्षा कांता ओसवाल, कोषाध्यक्ष अश्विनी कदम, डॉ. पोपट ओसवाल, डॉ. दिलीप सुराणा, डॉ. लीना पॉन, आशिष पॉन, देवेंद्र नाळेकर, मंगेश कदम, अॅड. प्रफुल लुंकड, नंदकिशोर खांडेवाल, विरल गाला, अभय जैन, रोहित थोरात, झोन अध्यक्ष देवल पारख, मनशक्तीचे डॉ. गोसावी, शांतीताई पुरब यांनी मौलाचे सहकार्य केले.
लोणावळा औद्योगिक सहकारी वसाहतीचे अध्यक्ष संदीप कोराड, उपाध्यक्षा शीतल पतंगे, देवराम लोखंडे, दत्ता राणे, फ्रँको इंडियन फार्माकडून अवधूत जोशी, डॉ. संतोष निकाळजे, नितीन दुर्गे यांनी शिबिराच्या आयोजनात मोलाची भूमिका बजावली. शिबिरामुळे आरोग्य विषयक जनजागृती व स्थानिक नागरिक व कामगार वर्गास लाभ होत आहे, लायन्स क्लबचा हा उपक्रम भविष्यातही असेच चालू राहील, अशी अपेक्षा औद्योगिक वसाहतीचे अध्यक्ष संदीप कोराड यांनी व्यक्त केली.