पुणे जिल्हा नागरी बँक असोसिएशन संचालकपदी ॲड. साहेबराव टकले

पुणे जिल्हा नागरी बँक असोसिएशन
संचालकपदी ॲड. साहेबराव टकले

लोणावळा, ता. १३ : लोणावळ्यातील ॲड. साहेबराव उर्फ भरत दशरथ टकले यांची पुणे जिल्हा नागरी सहकारी बँक असोसिएशनच्या संचालकपदी निवड झाली आहे.
टकले यांनी यापूर्वी पुणे जिल्हा नागरी बँक असोसिएशनचे उपाध्यक्ष म्हणूनही नऊ वर्ष काम पाहिले असून, महाराष्ट्र राज्य सहकारी बँक असोसिएशनचेही संचालक पदही भूषविले आहे. त्याची पुणे जिल्हा नागरी बँक असोसिएशनच्या संचालक पदावर सलग चार वेळा निवड झाल्याने त्यांच्यावर अभिनंदनाचा वर्षाव होत आहे. मावळ तालुका कृषी उत्पन्न बाजार समिती, लोणावळा सहकारी बँक आणि लोणावळा बाजार आदी संस्थांवर संचालकपदी टकले कार्यरत आहेत. जिल्ह्यातील संलग्न असलेल्या ४६ सहकारी बँकाची शिखर संघटना म्हणून पुणे जिल्हा नागरी सहकारी बँक असोसिएशन काम पहात आहे. सरकारी बँकासमोरील अडचणी सोडविणे, ध्येय-धोरणे निश्चित करण्यासाठी पाऊले उचलली जातील असे ॲड. साहेबराव टकले यांनी सांगितले.

छायाचित्र: LON 25B04583
ॲड. साहेबराव टकले