‘स्वा. सावरकर यांच्या पुतळ्याचे सुशोभीकरण करा’

लोणावळा, ता. ५ : ‘‘लोणावळा शहरातील भांगरवाडी येथे स्वातंत्र्यवीर वि. दा. सावरकर यांच्या पुतळा आहे. त्याचे सुशोभीकरण तातडीने करण्यात यावे,’’ अशी मागणी रिपब्लिकन पार्टी ऑफ इंडियाने (आठवले) केली आहे. यासाठी सोमवारी (ता.१२) एकदिवसीय धरणे आंदोलन करण्यात येणार आहे.

या संदर्भात पुणे जिल्हाधिकारी, लोणावळा नगराध्यक्ष तसेच मुख्याधिकारी यांना निवेदन देण्यात येणार असल्याची माहिती रिपाइंचे (आठवले) महाराष्ट्र प्रदेश सचिव व जिल्हा नियोजन समितीचे माजी सदस्य सूर्यकांत वाघमारे यांनी दिली. वाघमारे म्हणाले, ‘‘लोणावळा शहरातील विविध महापुरुषांच्या पुतळ्यांचे व स्मारकांचे सुशोभीकरण लोणावळा नगर परिषदेच्या वतीने करण्यात आले आहे. पण, सावरकर यांचा पुतळा सुशोभीकरणाच्या प्रतीक्षेत आहे.’’