सामुदायिक विवाह सोहळा समिती अध्यक्षपदी हुलावळे

लोणावळा, ता. २६ : श्री एकवीरा देवी, श्री दुर्गा परमेश्वरी सामुदायिक विवाह सोहळा समितीच्या अध्यक्षपदी रोहिदास हुलावळे यांची निवड झाली आहे.
सामुदायिक विवाह सोहळ्याचे यंदाचे १४ वे वर्ष असून २१ जोडपी विवाहबंधनात अडकणार असल्याची माहिती समितीने दिली.
यावेळी सोहळ्याचे संस्थापक भाई भरत मोरे, किरण हुलावळे, जितेंद्र बोत्रे, राजू देवकर यांच्यासह सोहळा समितीचे नूतन सदस्य उपस्थित होते. यावेळी सोहळ्याची नूतन कार्यकारिणीची घोषणा करण्यात आली. सोहळा समितीच्या कार्याध्यक्षपदी श्यामराव गायकवाड, कार्यप्रमुख बाळासाहेब उर्फ मारुती येवले, उपाध्यक्षपदी भरत मानकर व किरण राणे, सचिव जयराम आंबेकर, सहसचिव हनुमंत आहेर, खजिनदारपदी विश्वेश आवटी तर सहखजिनदार बाळासाहेब डुबे यांची निवड करण्यात आली आहे.
हा सोहळा २४ एप्रिल रोजी कार्ला येथील दुर्गा परमेश्वरी मंदिर प्रांगणात पार पडणार आहे. सामाजिक बांधिलकी जपत आर्थिकदृष्ट्या दुर्बल कुटुंबांना आधार देण्याच्या उद्देशाने हा सामुदायिक विवाह सोहळा आयोजित केला जात असल्याचे विवाह सोहळा समितीच्या वतीने सांगण्यात आले.