मोशीत पथदिवे बंद, नागरिकांना त्रास

मोशी, ता. ११ : प्राधिकरणातील पेठ क्रमांक चार आणि सहामधील लोंढे उद्यान ते आरटीओ रस्ता या दरम्यान पथदिवे मागील दोन रात्रीपासून बंद आहेत. त्यामुळे अंधार पसरलेला असतो. स्थानिक पादचारी नागरिकांना या रस्त्याने ये-जा करणे त्रासदायक भीतीचे झाले आहे.
सायंकाळी सहा ते रात्री नऊपर्यंत येथील लोंढे उद्यानात लहान मुले, महिला, जेष्ठ नागरिक येथे मोठी गर्दी करत असतात. त्यातच या उद्यानाशेजारील मोकळ्या भूखंडात मोठ्या प्रमाणावर झाडाझुडपे वाढवेली आहेत. येथे साप, घुशी, उंदरांचा अधिवास असल्याने रात्रीच्या वेळी येथील रस्त्याने पायी ये-जा करणे येथील हे पथदिवे बंद असल्याने धोक्याचे ठरू शकते.