मोशीत पथदिवे बंद

मोशी, ता. ३ : रस्त्यावरील अडथळे, खड्डे आणि इतर धोके स्पष्टपणे दिसण्यासाठी महापालिकेने मोशी प्राधिकरणातील स्पाईन रस्त्यावर पथदिवे लावले आहेत. मात्र, टाटा मोटर्स ते राजा शिवछत्रपती चौक दरम्यान अनेक पथदिवे बंद आहेत. त्यामुळे अनेक ठिकाणी अंधार पडलेला आहे.
सध्या पावसाळा सुरू असून रस्त्यावर अनेक ठिकाणी पाणी साचत आहे. मात्र या पाण्याचा अंदाज न आल्याने वाहनचालकांना प्रवास करणे अवघड जात आहे. हे पथदिवे बंद असल्याने मूळ उद्देशच असफल होत असून त्याने अपघाताचा धोकाही वाढला आहे.