औंध येथे टपाल कर्मचाऱ्यांना रेनकोट वाटप

निगडी, ता. ११ : औंध येथील टपाल कर्मचाऱ्यांना १८ रेनकोटचे वाटप करण्यात आले. यासाठी इनरव्हील क्लब ऑफ निगडी प्राइड या सामाजिक संस्थेने पुढाकार घेतला. क्लबच्या माजी अध्यक्षा आरती मुळे यांनी आयोजन केले. यावेळी क्लबच्या विद्यमान अध्यक्षा कमलजीत कौर, सचिव दीपाली जाधव, माजी जिल्हाध्यक्ष मुक्ती पानसे प्रमुख उपस्थित होत्या.
इनरव्हील क्लब ऑफ निगडी प्राइड ही संस्था पिंपरी-चिंचवड शहरातील अग्रगण्य महिला सामाजिक संस्था असून, विविध समाजोपयोगी उपक्रमांतून समाजातील विविध घटकांसाठी सातत्याने कार्यरत आहे.
पावसातही आपल्या सेवा अखंडपणे देणाऱ्या टपाल कर्मचाऱ्यांना आधार देण्याचा आणि त्यांच्या कार्याचे कौतुक करण्याचा उद्देश या उपक्रमामागे असल्याचे आयोजकांनी सांगितले.

फोटो ओळी
निगडी: औंध टपाल कर्मचाऱ्यांना इनरव्हील क्लब ऑफ निगडी प्राइडतर्फे रेनकोट वाटप करताना मान्यवर