पुनावळे कन्या शाळेला शैक्षणिक साहित्य भेट

रावेत, ता.२२ ः पिंपरी चिंचवड महापालिकेच्या कन्या शाळा क्र. १०३ मध्ये आयडीबीआय बँकेच्या सीएसआर निधीमधून शाळेला एक लाख रुपये किंमतीचे शैक्षणिक साहित्य प्रदान करण्यात आले. त्यामध्ये ध्वनिक्षेपक यंत्रणा, कलर प्रिंटर आदी साधनसामग्रीचा समावेश आहे.
आयडीबीआय बँकेचे पुनावळे शाखा प्रमुख विनोद कुमार यांच्यासह इतर बँक कर्मचारी आणि प्रतिनिधी यांची प्रमुख उपस्थिती होती. कार्यक्रमात शिक्षक आणि विद्यार्थ्यांनीही उत्साहाने सहभाग घेतला.
मुख्याध्यापिका अर्चना कांडेकर म्हणाल्या,‘‘आयडीबीआय बँकेकडून आमच्या शाळेला मिळालेली ही आधुनिक साधनसामग्री ही विद्यार्थ्यांच्या शैक्षणिक प्रगतीसाठी अत्यंत उपयुक्त ठरेल. पुणे विभागातील पहिली शाळा म्हणून हा सन्मान मिळाल्याचा आम्हाला अभिमान आहे.’’
संपूर्ण शाळा परिवार आणि पालक वर्गाने आनंद व्यक्त केला. हा उपक्रम विद्यार्थ्यांच्या सर्वांगीण शैक्षणिक विकासासाठी उपयुक्त ठरणार असून भविष्यातही असे उपक्रम राबवावे, अशी अपेक्षा उपस्थितांनी व्यक्त केली.
PNE25V33442