रावेतच्या नवीन बंधाऱ्याची प्रक्रिया सुरू
रावेत, ता.२६ : पवना नदीवरील ब्रिटीशकालीन रावेत बंधारा पाडून नवीन बंधाऱ्याच्या कामासाठी अखेर मंजुरी मिळाली असून जलसंपदा विभागाकडून हे काम केले जाणार आहे. त्यामध्ये बंधाऱ्यातील साठवण क्षमता वाढण्याची अपेक्षा आहे. नवीन बंधाऱ्यासाठी चार प्रकारची रेखाचित्रे (डिझाईन) विभागाला प्राप्त झाली आहेत.
रावेत येथील जुना बंधारा ब्रिटीशांकडून १९२५ ते १९३० मध्ये बांधण्यात आला होता. त्याला आता शंभर वर्षांहून अधिक वर्षे झाली असून सध्या जीर्णावस्थेत आहे. हा बंधारा गाळाने भरल्याने तसेच गुरुत्वाकर्षाणातील अडथळ्यामुळे दररोज सुमारे पाच कोटी लिटर पाणी वाया जात आहे. बंधारा काही ठिकाणी फुटल्याने पावसाळ्यात
काही वेळा वस्त्यांमध्ये पाणी शिरण्याचा धोका निर्माण होतो. त्यामुळे या बंधाऱ्याचे स्ट्रक्चरल ऑडिट करून नवीन बंधाऱ्याचे काम हाती घ्यावे, अशी मागणी करण्यात आली होती. त्याची दखल घेत जलसंपदा विभागाने तातडीने पंचनामे करून अहवाल सादर केला होता.
सर्वजण खर्च उचलणार ?
नवीन बंधाऱ्यासाठी जलसंपदा विभाग, राज्य औद्योगिक विकास महामंडळ आणि पिंपरी चिंचवड महानगरपालिका यांच्यात समन्वयाने निर्णय घेतला जात आहे. सुमारे ४.५ मीटर उंचीचा व २१६ मीटर लांबीचा बंधारा बांधण्यात येणार आहे. त्यासाठीचा खर्च वरील सर्व संस्थांकडून करण्यात येणार असल्याची माहिती आहे.
उंची वाढवा
सध्याचा बंधारा दुरुस्ती पलीकडे आहे. त्यामुळे महापालिकेने नवीन आणि थोडा जास्त उंचीचा म्हणजे साडेचार मीटर उंचीचा बंधारा बांधल्यास त्यांचा पाणीसाठा वाढेल. तसेच नदीच्या सध्याच्या पात्राचा वापर करता येईल. आणखी भूसंपादनाची आवश्यकता नाही. हे काम महापालिकेने स्वतः करावे किंवा जलसंपदा खात्याकडून करून घ्यावे, त्याचा निर्णय महापालिकेने घ्यावा, असे नागरिकांकडून सुचविले जात आहे.
रावेत येथील नवीन बंधाऱ्याच्या कामासाठी जलसंपदा विभागातर्फे प्रक्रिया सुरू आहे. यासाठी वेगवेगळ्या डिझाईन्स मागविण्यात आल्या होत्या. त्यामध्ये चार डिझाईन प्राप्त झाल्या आहेत. यापैकी योग्य डिझाईन निश्चित करून पुढील प्रक्रिया पूर्ण करण्यात येईल.
- संकेत पतंगे, सहाय्यक अभियंता, जलसंपदा विभाग
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.