जिजाऊ क्लिनिक डॉक्टरांविना ठप्प
रावेत, ता. २८ : गेल्या अनेक महिन्यांपासून रावेतमधील मुकाईनगर परिसरातील महानगरपालिकेचे जिजाऊ क्लिनिक आणि नागरी आरोग्य वर्धिनी केंद्र डॉक्टरांविना चालू आहे. बाह्य रुग्ण सेवा विभाग (ओपीडी) पूर्णपणे ठप्प झाला आहे. त्यामुळे रुग्णांना खासगी रुग्णालयाचा किंवा दूरच्या शासकीय रुग्णालयाचा आधार घ्यावा लागत आहे.
महिलांसह सर्वसामान्यांना सहज आरोग्यसेवा उपलब्ध व्हावी या हेतूने महापालिकेतर्फे जिजाऊ क्लिनिक आणि नागरी आरोग्य वर्धिनी केंद्र सुरू करण्यात आले आहे. आरोग्य वर्धिनी केंद्र हे स्थानिकांसाठी सुलभ आणि विनामूल्य सेवा पुरवणारे केंद्र आहे. क्लिनिकमध्ये दररोज अनेक रुग्ण उपचाराच्या अपेक्षेने येतात. मात्र, सध्या ‘ओपीडी’ सेवाच बंद असल्याने त्यांना उपचाराविना परत जावे लागत आहे. अनेकदा त्यांना केवळ प्राथमिक तपासणी किंवा औषधासाठी खासगी क्लिनिकमध्ये पैसे मोजावे लागत आहेत.
स्थानिक नागरिक राजेंद्र तरस म्हणाले, ‘‘महापालिकेच्यावतीने आरोग्य सेवेसाठी प्रत्येक प्रभागात जिजाऊ दवाखाना व नागरी आरोग्यवर्धिनी केंद्र सुरू केले. त्याचा हेतू चांगला आहे. मात्र अनेक महिन्यांपासून डॉक्टर नसल्याने अनेकांना अडचण होत आहे. त्यामुळे महापालिकेने पूर्णवेळ डॉक्टर उपलब्ध करून देऊन रुग्णसेवेसाठी मदत करावी.’’
सध्या रावेतसह अनेक ठिकाणी जिजाऊ क्लिनिक व नागरी आरोग्य वर्धिनी केंद्रात पूर्णवेळ डॉक्टरांची अडचण आहे. महानगरपालिकेने या संदर्भात जाहिरात काढून सर्व प्रक्रिया पूर्ण केली आहे. पुढील सहा ते आठ दिवसांत याठिकाणी पूर्ण वेळ डॉक्टर हजर होतील.
- डॉ.लक्ष्मण गोफणे, अतिरिक्त वैद्यकीय अधिकारी, महापालिका
NGI25B00698
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.