तळवडे लघुउद्योग परिसरात उत्साहाचे वातावरण

निगडी, ता. १० : दिवाळीच्या पार्श्वभूमीवर तळवडे येथील (ज्योतिबानगर) लघुउद्योग परिसरात उद्योजकांमध्ये व कामगारांमध्ये उत्साहाचे वातावरण आहे. या परिसरात मोठ्या प्रमाणात चारचाकी आणि दुचाकी वाहनांचे छोटे-छोटे पार्ट बनवणारे मोठ्या प्रमाणात लघुउद्योग आहेत.
यावर्षी चार चाकी वाहनांच्या विक्रीत वाढ व दुचाकींना वाढलेली मागणी यामुळे मोठ्या प्रमाणात छोट्या उद्योगांना काम आहे. तसेच सप्टेंबर २०२५ पासून केंद्र शासनाने केलेली ‘जीएसटी’मध्ये कपात केली. त्याचा चांगला परिणाम चारचाकी वाहनांच्या मागणीत होताना दिसत आहे. या कर कपातीमुळे भविष्यातही वाहनांच्या मागणीत वाढ लक्षात घेता, लघु उद्योगात चैतन्याचे वातावरण आहे. तसेच आर्थिक परिस्थिती बदलली असल्याने लघुउद्योजकांना कामगारांना योग्य प्रमाणात बोनस व आर्थिक मदत देण्यात सहजता येत आहे. प्रामुख्याने चारचाकी वाहनांची मागणी वाढल्याने या उद्योग समूहांनी दिवाळीपूर्वीच स्पेअर्स पार्टचा स्टॉक केला आहे. त्यामुळे उद्योजकांची दिवाळीदरम्यान होणारी धावपळ कमी झाली आहे. यातील अनेक कंपन्याचे काम तळवडे परिसरात मोठ्या प्रमाणात चालते.

लघुउद्योग कंपन्यांकडे मोठ्या प्रमाणात काम आहे. भविष्यकाळात वाहनांच्या मागणीतील वाढ लक्षात घेता चांगला व्यवसाय होण्याची शक्यता आहे. त्यामुळे उत्साहाचे वातावरण संचारले आहे. दिवाळीपूर्वी सर्व कामगारांना बोनस व इतर आर्थिक लाभ देण्याचे नियोजन मोठ्या प्रमाणात लघु उद्योगांनी केले आहे.
- टीकाराम शर्मा, अध्यक्ष, ज्योतिबानगर आंत्रपिनर्स असोसिएशन

या वर्षी कंपन्याच्या सतत ऑर्डर आहेत. त्यामुळे कंपनीत चांगले काम आहे. शिवाय मागणी वाढतच आहे. त्यामुळे जादा वेळ काम करून दिवाळीपूर्वी सर्व कामे संपवून पगारासह बोनस चांगला मिळण्याची आशा आहे. दिवाळी जवळ आल्याने त्यामुळे कंपनीत चांगले वातावरण आहे.
- राजन चौहान, कामगार