रविवारची सुटी साधून प्रचाराचा धडाका

निगडी ता. ४ : पिंपरी चिंचवड महानगरपालिका निवडणुकीसाठी रविवारची सुटी (ता.४) साधत उमेदवारांनी प्रचारावर भर दिला. अगदी सकाळपासूनच मतदारांची विविध मार्गांचा अवलंब करत मतदारांशी संपर्क साधला. सकाळी मंदिरात दर्शन घेऊन उमेदवारांनी प्रभागात वाजत-गाजत रॅली काढत प्रचाराला धुमधडाक्यात सुरूवात केली.
मतदानासाठी अवघे बाराच दिवस उरल्याने उमेदवार प्रभागातील सर्व उमेदवारांर्यंत पोचण्याचा प्रयत्न करताना दिसत आहेत. औद्योगिक क्षेत्रातील काही कामगारांना, तसेच आयटी क्षेत्रातील लोकांना सुट्टी असते. त्याचा उपयोग करत विविध सहकारी गृहसंस्थांशी बैठक, चर्चा तसेच प्रतिनिधींमार्फत उमेदवारांनी संवाद साधला.
अपक्ष उमेदवार आपले चिन्ह पोहचावे म्हणून नव्याने छापलेली पत्रके घरोघर पोहचवत आहेत. प्रभागातील परिसर मोठा असल्याने चिन्ह पोहचविण्याची अपक्षणा बंडखोरांना कसरत करावी लागणार आहे. तसेच काही उमेदवार आपला क्रमांक, चिन्ह पोहचविण्याचीचा प्रयत्न करताना दिसले. पक्ष बदललेले उमेदवार आपल्या नव्या पक्षाचे चिन्ह आवर्जून मतदारांना सांगत आहेत.