द ॲकॅडमी स्कूलनतर्फे शैक्षणिक धोरणविषयक कार्यक्रम

काळेवाडी, ता. २९ : द ॲकॅडमी स्कूल यांच्या वतीने नवीन राष्ट्रीय शैक्षणिक धोरण अनुभवण्याकरिता पालकांसाठी एक दिवसीय कार्यक्रमाचे आयोजन केले होते. नवीन शैक्षणिक धोरणानुसार विद्यार्थ्यांना नेमके काय शिकवले जाणार, शाळेत कोणत्या कार्यक्रमांवर भर दिला जाणार यासंदर्भात पालकांना माहिती मिळावी, यासाठी या कार्यक्रमाचे आयोजन करण्यात आले होते. या कार्यक्रमात पालक, मुलांसह, शाळेचे शिक्षक कर्मचारीदेखील उपस्थित होते. या उपक्रमाबद्दल द ॲकॅडमी स्कूलच्या सीईओ डॉ. मैथिली तांबे म्हणाल्या की, ‘‘नवीन राष्ट्रीय शैक्षणिक धोरणानुसार विद्यार्थ्यांच्या दैनंदिन अध्यापनात नेमक्या कोणत्या गोष्टींचा समावेश होणार आहे, यासंदर्भात शिक्षकांनी पालकांना या कार्यक्रमात मार्गदर्शन केले.’’