द लर्निंग कॅम्पस स्कूल येथे शिवजन्मोत्सव

द लर्निंग कॅम्पस स्कूल येथे शिवजन्मोत्सव
पिंपरी, ता. २२ : किवळेतील लर्निंग कॅम्पस स्कूलतर्फे पाच दिवसीय शिवजन्मोत्सव सोहळ्याचे आयोजन करण्यात आले आहे. १९ फेब्रुवारीला छत्रपती शिवाजी महाराजांची भव्य मिरवणूक काढून या सोहळ्याची सुरुवात झाली. शिवराय आणि मावळ्यांच्या वेशभूषेतील विद्यार्थी, मल्लखांबाची प्रात्यक्षिके, मर्दानी खेळ व कराटे सादर करणारे युवक अशा वातावरणात ही मिरवणूक काढण्यात आली. सोहळ्यात पोवाडा, महाराष्ट्राची लोकधारा, लाठीकाठी, दांडपट्टा, तलवारबाजी यासोबतच मोफत दंतचिकित्सा शिबिराचेही आयोजन करण्यात आले आहे. यानिमित्त विद्यार्थ्यांना घोडेस्वारीचे प्रशिक्षणही देण्यात आले. रविवारी (ता.२३) रक्तदान शिबिर व किड्स कार्निव्हलने या सोहळ्याचा समारोप होईल, अशी माहिती प्राचार्या हरिंदर कौर यांनी दिली.