‘नर्मदे हर’ संघाच्या वतीने नर्मदा सत्संगाचे आयोजन

पिंपरी, ता.१२ : नर्मदे हर संघ पिंपरी-चिंचवडच्या वतीने पिंपळे गुरव येथे शुक्रवारी (ता.१५) नर्मदा सत्संग कार्यक्रमाचे आयोजन करण्यात आले आहे.
श्रावण मासानिमित्त हा कार्यक्रम होत आहे. याबाबतची माहिती ‘नर्मदे हर’ संघ पिंपरी-चिंचवडचे अध्यक्ष संदीप शिंदे यांनी दिली. इस्तंबूल येथील नर्मदा परिक्रमावासी दिनेश फडके यांनी याचे आयोजन केले आहे.
नर्मदा महात्म व परिक्रमेची महती याबद्दल भाविकांना मार्गदर्शन करण्यासाठी मध्यप्रदेशच्या मंडला येथील श्री स्वामी प्रेमानंदगिरी महाराज, हरदा येथील श्री राजेशदासजी उदासीन महाराज हे उपस्थित राहणार आहेत. पिंपरी-चिंचवड शहरात पहिल्यांदाच असा कार्यक्रम होत आहे. या नियोजनात ‘नर्मदे हर’ संघाचे रवींद्र कोंढरे, दिनेश फडके, रवींद्र मुळे, संतोष ताम्हणकर, जळबा वडजे इत्यादी पदाधिकारी कार्यरत आहेत.