पिंपरी चिंचवड महापौरांची सहा फेब्रुवारीला निवड

पिंपरी, ता. २३ : पिंपरी चिंचवड महापालिकेच्या महापौर, उपमहापौर पदांसाठी ६ फेब्रुवारीला निवड होणार आहे. विभागीय आयुक्तांनी त्यासाठी मान्यता दिली असून महापालिका प्रशासन लवकरच निवडीचा अधिकृत कार्यक्रम जाहीर करेल. या निवडीसाठी सहा फेब्रुवारी रोजी विशेष सभा घेण्यास विभागीय आयुक्तांनी मान्यता दिली. सभेच्या अध्यक्षस्थानी विभागीय आयुक्त किंवा त्यांचे प्रतिनिधी असतात.‌ महापौर आरक्षणाची सोडत २२ जानेवारी रोजी निघाली. यामध्ये पिंपरी चिंचवडचे महापौरपद सर्वसाधारण खुला प्रवर्गासाठी जाहीर झाले. महापालिकेत भाजपचे ८४ नगरसेवक विजयी झाले आहेत. त्यामुळे त्यांचा महापौर होणार हे निश्चित झाले आहे. प्रशासनाकडून अर्ज विक्री व स्वीकृती कालावधीबाबत स्पष्टता दिली जाणार आहे, असे नगरसचिव मुकेश कोळप यांनी सांगितले.
................