अपघात प्रतिक्रिया

वायुगळती झाल्यामुळे टँकर काढण्यास विलंब लागला आहे. सर्व यंत्रणांच्या सहकार्याने टँकर काढण्याचे आणि वाहतूक सुरळीत करण्याचे प्रयत्न सुरू केले. भविष्यात असे प्रकार रोखण्यासाठी तज्ज्ञांच्या सल्ल्याने तातडीने उपाययोजना करण्यात येणार आहे.
- राकेश सोनवणे, कार्यकारी अभियंता, एमएसआरडीसी
---

वायुगळती रोखण्यासाठी विविध संस्थांचे समन्वयाने प्रयत्न सुरू आहेत. प्रोपेलीन हा अत्यंत ज्वलनशील वायू असल्याने जीवित किंवा मालमत्तेचे नुकसान होऊ नये म्हणून अत्यंत काळजी घ्यावी लागते. गॅस हस्तांतराचे काम सुरू आहे, बुधवारी रात्रीच सर्व वाहतूक सुरळीत करण्याचा प्रयत्न सुरू आहे.
- आंचल दलाल, पोलिस अधीक्षक, रायगड
---

अपघाताची माहिती मिळताच ३२ जणांचे पथक रात्री साडेदहाच्या सुमारास घटनास्थळी दाखल झाले. वायुगळती रोखण्यासाठी आम्ही प्रयत्न केले.
- सारंग कुर्वे, सहाय्यक कमान्डट, एनडीआरएफ
---
मंगळवारी सायंकाळी साडेपाचच्या सुमारास अपघाताची माहिती मिळाली. पुण्याकडून मुंबईकडे जाणारी वाहने तातडीने पुण्याकडे येणाऱ्या मार्गिकेवर वळवली. वाहतूक सुरळीत करण्यासाठी प्रयत्न सुरू आहेत.
- तानाजी चिखले, पोलिस अधीक्षक, महामार्ग पोलिस, रायगड
-----

‘आयआरबी’कडून नकार
‘आयआरबी’चे मुख्य सरव्यवस्थापक कर्नल जोसवा यांनी या घटनेबद्दल आणि उपाययोजनांवर बोलण्यास नकार दिला.
---