नवी सांगवीत मोराचा मृत्यू

पिंपळे गुरव, ता. १२ ः नवी सांगवी येथील एम.के. हॉटेल चौकात असलेल्या विद्युत डीपी बॉक्स शेजारी एक मोर मृतावस्थेत आढळून आल्याची घटना नुकतीच उघडकीस आली. प्राथमिक माहितीनुसार, हा मोर विद्युत डीपीवर बसल्याने शॉर्ट सर्किट होऊन त्याचा मृत्यू झाल्याची शक्यता वर्तविण्यात येत आहे.
स्थानिक नागरिकांनी सकाळी ही बाब लक्षात घेतल्यानंतर तातडीने वन विभागाला माहिती दिली. मात्र वन विभागाचे कार्यालय दूर आणि कर्मचारी संख्या कमी असल्यामुळे घटनास्थळी वनमजूर पोहोचण्यासाठी चार ते पाच तास लागले. वन विभागाचे वनमजूर गौतम टाकणसार यांनी घटनास्थळी येत शवविच्छेदनासाठी मोराचे शव एनसीएल येथील वन विभागाच्या रुग्णालयात नेले. मोर मृतावस्थेत सापडल्याची महिनाभरातील ही दुसरी घटना ठरली.
भांबुर्डा (शिवाजीनगर) वन विभागाचे वनरक्षक कृष्णा हाके म्हणाले,‘‘प्राथमिक परिस्थिती पाहता मोर पक्षी एक ते दोन दिवसांपूर्वी मृत्यू पावला असण्याची शक्यता आहे.