अश्विनी जगताप यांचा उमेदवारी अर्ज दाखल जोरदार शक्तीप्रदर्शन ः निवडणूक कार्यालयापर्यंत पदयात्रा
पिंपरी, ता. ६ : चिंचवड विधानसभा मतदारसंघाच्या पोटनिवडणुकीसाठी भाजप, बाळासाहेबांची शिवसेना, आरपीआय, राष्ट्रीय समाज पक्ष व शिवसंग्राम युतीच्या उमेदवार अश्विनी लक्ष्मण जगताप यांनी जोरदार शक्तिप्रदर्शन करत आज सोमवारी (ता. ६) उमेदवारी अर्ज दाखल केला. तत्पूर्वी जगताप यांनी पिंपळे गुरव ते थेरगाव येथील ‘ग’ क्षेत्रीय कार्यालय, निवडणूक निर्णय अधिकारी कार्यालयापर्यंत पदयात्रा काढली. त्यात कार्यकर्त्यांची मोठी गर्दी होती.
‘ग’ क्षेत्रीय कार्यालयात जगताप यांचा अर्ज निवडणूक निर्णय अधिकारी सचिन ढोले यांच्याकडे सादर केला. यावेळी प्रदेशाध्यक्ष चंद्रशेखर बावनकुळे, पालकमंत्री चंद्रकांत पाटील, आरोग्य मंत्री तानाजी सावंत, खासदार श्रीरंग बारणे, भाजप शहराध्यक्ष व आमदार महेश लांडगे, चिंचवड विधानसभा निवडणूक प्रमुख शंकर जगताप आदी उपस्थित होते.
पदयात्रेमध्ये भाजपसह आरपीआय (आठवले गट) सह मित्र पक्षाचे स्थानिक पदाधिकारी, कार्यकर्ते मोठ्या संख्येने उपस्थित होते.
भाजपचे दिवंगत आमदार लक्ष्मण जगताप यांच्या पिंपळे गुरव येथील जनसंपर्क कार्यालयापासून पदयात्रेला सुरवात झाली. गावातील भैरवनाथ मंदिरात दर्शन घेतल्यानंतर सृष्टी चौक, सुदर्शननगर, जवळकरनगर, कल्पतरू फेज १, सुदर्शन चौक, स्वराज गार्डनमार्गे पिंपळे सौदागर गावठाणपुढे महादेव मंदिर, रहाटणी चौक, विमल गार्डन, बळीराज गार्डन, कुणाल गार्डन, बापुजी बुवा मंदिर, थेरगाव हॉस्पिटलमार्गे ‘ग’ क्षेत्रीय कार्यालयापर्यंत ही पदयात्रा काढण्यात आली.
कन्या ऐश्वर्या यांचा सहभाग लक्षवेधी
अश्विनी जगताप यांच्या पदयात्रेत दिवंगत आमदार लक्ष्मण जगताप यांची कन्या ऐश्वर्या जगताप-रेणुसे यांनी सर्वांचे लक्ष वेधून घेतले. ऐश्वर्या यांचा आज सोमवारी (ता. ६) वाढदिवस असताना त्या पदयात्रेत वडील लक्ष्मण जगताप यांची प्रतिमा हातात घेऊन, त्या अश्विनी जगताप यांच्याबरोबर चालत होत्या.
फोटोः 23021, 23022
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.