सिंबॉयोसिस युनिव्हर्सिटीचा किवळेत आज दीक्षांत समारंभ किवळेत आज दीक्षांत समारंभ

पिंपरी, ता. ८ः सिंबॉयोसिस स्किल्स अँड प्रोफेशनल युनिव्हर्सिटी किवळेतर्फे गुरुवारी (ता. ९) सकाळी साडेअकरा वाजता विद्यापीठाच्या मुख्य सभागृहात तिसऱ्या दीक्षांत समारंभाचे आयोजन केले आहे.
राज्यपाल भगतसिंग कोश्यारी यांच्या प्रमुख उपस्थितीत हा सोहळा होणार आहे. सिंबॉयोसिस स्किल्स अँड प्रोफेशनल युनिव्हर्सिटीचे कुलपती डॉ. एस. बी. मुजुमदार, फियाट इंडिया ऑटोमोबाइल्स प्रायव्हेट लिमिटेडचे अध्यक्ष आणि मुख्य कार्यकारी अधिकारी खत्री, सिंबॉयोसिस स्किल्स अँड प्रोफेशनल युनिव्हर्सिटीच्या प्र-कुलपती, डॉ. स्वाती मुजुमदार, आणि प्रभारी कुलगुरू डॉ. गौरी शिउरकर उपस्थित राहणार आहेत. या समारंभात ७२२ विद्यार्थ्यांना पदव्या, पदविका आणि विद्यापीठातर्फे घेण्यात येणारे विविध कार्यक्रम यशस्वीपणे पूर्ण केल्याबद्दल प्रमाणपत्रे प्रदान करण्यात येणार आहेत. ‘तसेच सर्वोत्कृष्ट विद्यार्थ्यास ’ कुलपती सुवर्णपदक देऊन गौरवण्यात येणार आहे. हे प्रशिक्षण पूर्ण करणाऱ्या विधवा महिलांना या दीक्षांत समारंभात कौशल्य प्रशिक्षणाचे प्रमाणपत्र देण्यात येणार आहे.