तुम्ही अजूनही आमच्यातच
आहात ः अश्र्विनी जगताप
लक्ष्मण जगताप यांना जन्मदिनानिमित्त अभिवादन

तुम्ही अजूनही आमच्यातच आहात ः अश्र्विनी जगताप लक्ष्मण जगताप यांना जन्मदिनानिमित्त अभिवादन

पिंपरी, ता. १५ : ‘‘तुमच्या नावापुढे आजही स्वर्गीय, दिवंगत असे शब्द लावताना काळीज जड होते. तुम्ही, तुमचे कार्य, तुमचा संघर्ष आणि तुमचे विचार आजही आमच्या अवतीभवती आहेत. तुम्ही पिंपरी-चिंचवडच्या विकासासाठी केलेले काम कधीही विसरता येणार नाही. तुम्ही अजूनही आमच्यातच आहात.’’ अशा शब्दांत अश्‍विनी लक्ष्मण जगताप यांनी त्यांचे पती, दिवंगत आमदार लक्ष्मण जगताप यांना जन्मदिनानिमित्त अभिवादन केले. यावेळी भावना व्यक्त करताना त्यांना अश्रू अनावर झाले.
पिंपरी-चिंचवडचे लोकनेते लक्ष्मण जगताप यांचे ३ जानेवारी रोजी निधन झाले. १५ फेब्रुवारी हा दिवस त्यांचा जन्मदिवस. त्यानिमित्त बुधवारी त्यांचा जन्मदिन साजरा करण्यात आला. विविध राजकीय पक्ष, संघटनांकडून पिंपळे गुरव येथील स्मृतीस्थळावर जाऊन दिवंगत लक्ष्मण जगताप यांना अभिवादन केले. संपूर्ण जगताप कुटुंबानेही स्मृतीस्थळावर जात त्यांना अभिवादन केले. सध्या चिंचवड विधानसभा मतदारसंघात पोटनिवडणूक सुरू आहे. भाजपने अश्‍विनी लक्ष्मण जगताप यांना उमेदवारी दिली आहे. पतीच्या निधनाला ५० दिवसही पूर्ण झालेले नसताना अश्‍विनी जगताप दुःख बाजूला सारून निवडणूक लढवत आहेत.
बुधवारी सकाळी अश्‍विनी जगताप पतीच्या स्मृतीस्थळावर गेल्या. तेथे डोके टेकवून त्यांनी आपल्या अश्रूला मोकळी वाट करून दिली.

‘‘माझे पती दिवंगत लक्ष्मण जगताप यांनी केलेले काम कधीही विसरता येणार नाही. ते अजूनही आमच्यातच आहेत. त्याच प्रेरणेतून मी दीनदुबळ्यांची, वंचितांची, गरजूंची सेवा करण्याचा प्रामाणिक प्रयत्न करणार आहे.
- अश्‍विनी लक्ष्मण जगताप, भाजप उमेदवार, चिंचवड मतदारसंघ
फोटोः 24990

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com