बिरसा मुंडा संघटनेकडून गोपीचंद पडळकर यांचा निषेध

पिंपरी, ता. २८ : आमदार गोपीचंद पडळकर यांनी राष्ट्रवादी काँग्रेसचे राष्ट्रीय अध्यक्ष शरद पवार व त्यांच्या कुटुंबीयांवर टीका केल्याने बिरसा मुंडा संघटनेने त्यांचा निषेध केला आहे. याबाबत निवेदनात म्हटले आहे की, दसरा मेळाव्यात पडळकर यांनी पवार यांच्यावर टीका केली होती. अशामुळे कायदा सुव्यवस्था बिघडते. तरी त्यांच्या वरिष्ठांनी त्यांना समज द्यावी, पुन्हा अशाप्रकारचे वक्तव्य करू नये, असे संघटनेचे पांडुरंग परचंडराव यांनी म्हटले आहे.