महापालिकेतर्फे जाधवावाडीत नागरी आरोग्य वर्धिनी केंद्र

पिंपरी, ता. २ ः शहरातील सामान्य, गरीब, झोपडपट्टीतील नागरिकांसाठी सार्वजनिक आरोग्य विभागांतर्गत ‘हिंदुहृदयसम्राट बाळासाहेब ठाकरे आपला दवाखाना’ ही नागरी आरोग्य वर्धिनी केंद्रे स्थापन केली जाणार आहेत. त्याअंतर्गत महापालिकेच्या केंद्राचे अनावरण जाधववाडी दवाखान्यात प्रशासक शेखर सिंह यांच्या हस्ते झाले.
अतिरिक्त आयुक्त जितेंद्र वाघ, उपआयुक्त रविकिरण घोडके, सहायक आयुक्त आण्णा बोदडे, आरोग्य वैद्यकीय अधिकारी डॉ. पवन साळवे, सहाय्यक आरोग्य वैद्यकीय अधिकारी डॉ. लक्ष्मण गोफणे, महिला वैद्यकीय अधिकारी डॉ. वर्षा डांगे, ज्येष्ठ वैद्यकीय अधिकारी डॉ. बाळासाहेब होडगर, वैद्यकीय अधिकारी डॉ. राहूल साळुंखे, डॉ. विकास बोरकर, डॉ. वैशाली पाटील, डॉ. अपूर्वा नाटलावार, डॉ. धनंजय जाधव आदी उपस्थित होते. बाह्यरुग्ण सेवेची वेळ दुपारी दोन ते रात्री १० असेल. मोफत औषधोपचार व तपासणी, टेलीकन्सल्टेशन, गर्भवती मातांची तपासणी व लसीकरण उपलब्ध असेल. महिन्यातील निश्चित दिवसी नेत्रतपासणी, बाह्य यंत्रणेद्वारे रक्त तपासणी, मानसिक आरोग्यासाठी समूपदेशन, आवश्यकतेनुसार विशेषज्ञ सेवा मिळतील. फिजीशियन, स्त्रीरोग व प्रसूती, बालरोग, नेत्रस त्वचा, मानसोपचार, कान- नाक- घसा तज्ज्ञ सायंकाळी पाच ते रात्री नऊ या वेळेत असतील. केंद्रामध्ये वैद्यकीय अधिकारी, नर्स, बहुउद्देशिय कर्मचारी, अटेंडंट व सफाई कर्मचारी असतील.
---