मोशीतील नागरिकांकडून 
विविध समस्यांचे गाऱ्हाणे

मोशीतील नागरिकांकडून विविध समस्यांचे गाऱ्हाणे

पिंपरी, ता. ११ ः रस्ते खराब आहेत, पुरेसे पाणी नाही, कचऱ्याची समस्या गंभीर आहे. सांडपाणी व खत निर्मिती प्रक्रिया प्रकल्प असूनही कर सवलत मिळाली नाही, अशा विविध समस्या मोशी-चिखली परिसरातील गृहनिर्माण सोसायटीतील नागरिकांनी मांडल्या. समस्या सोडविण्याची मागणी केली.
चिखली-मोशीतील कोलोसस ग्रीन सिटी संदर्भातील सेवासुविधा, रिव्हर रेसिडेन्सी ते कोलोसस ग्रीन सिटी रस्त्याचे थांबलेले काम, कचरा, असुरक्षितता, साफसफाई, पाणीपुरवठा, लाच मागणे आदी प्रश्न महापालिका क क्षेत्रीय कार्यालयात आयोजित बैठकीत नागरिकांनी मांडले. त्यावर अधिकारी म्हणाले की, मिळकतकर सवलत लागू केली जाईल. ग्रीन मार्शल पथक नियुक्त केले जाईल. पदपथांची निर्मिती, वृक्ष लागवड, ओपन जिम, ओपन प्लॉटला बाजूने पत्रा लावला जाईल. पाणी पुरवठ्यासाठी जलवाहिनीला सोसायटीसाठी वेगळा मीटर लावला जाईल. पाणी सोडण्यासाठी लाच मागितल्याच्या प्रकाराची माहिती घेऊन कारवाई केली जाईल. रस्त्यांवरील खड्डे भरले जातील, नव्या व जुन्या रस्त्याची कामे लवकरात लवकर पूर्ण केले जाईल.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com