जिल्हा क्रीडा स्पर्धेसाठी ९३ प्रकार ः कसगावडे

पिंपरी, ता. २६ ः जिल्हा क्रीडा परिषद आणि महापालिका यांच्यातर्फे शालेय जिल्हास्तरीय क्रीडा स्पर्धा आयोजित केल्या जाणार आहेत. त्यामध्ये ९३ प्रकारचे खेळ असतील, अशी माहिती जिल्हा क्रीडा अधिकारी महादेव कसगावडे यांनी दिली. स्पर्धेच्या आयोजनाबाबत मुख्याध्यापक, प्रशिक्षक, क्रीडा शिक्षक व मार्गदर्शक यांच्या उपस्थितीत सहविचार सभा झाली. यावेळी महापालिका उपआयुक्त मनोज लोणकर, काकासाहेब देवकाते, क्रीडा अधिकारी अनिता केदारी, पर्यवेक्षक जयश्री साळवे उपस्थित होते. कसगावडे यांनी ऑनलाइन खेळ, नियम, प्रवेशिका, पंच नियुक्ती याबाबत माहिती दिली.