मतदान साहित्य वाटपाची लगबग

पिंपरी, चिंचवड तसेच भोसरी विधानसभा मतदारसंघाच्या निवडणुकीसाठी बुधवारी (ता. २०) मतदान होत आहे. त्यासाठी मतदान यंत्र व मतदानविषयक साहित्य अनुक्रमे चिंचवड येथील ऑटो क्लस्टर, पिंपरी-चिंचवड महापालिकेच्या शंकर अण्णा गावडे कामगार भवन व मोशी प्राधिकरण येथून आज सकाळी वाटप करण्यात आले. यावेळी बॅलेट युनिट, कंट्रोल युनिट आणि व्हीव्हीपॅटचे वाटप करण्यात आले. याचबरोबर ज्येष्ठ नागरिक व अपंग व्यक्तींसाठी व्हीलचेअरचेदेखील वाटप करण्यात आले. हे सर्व साहित्य केंद्रनिहाय वितरण निवडणूक निर्णय अधिकाऱ्यांच्या उपस्थितीत केंद्रप्रमुख व मतदान अधिकारी, कर्मचाऱ्यांकडे मंगळवारी सुपूर्द करण्यात आले. त्यापूर्वी सर्वांचे प्रशिक्षण झाले. त्यांच्यासह मतदानासाठीचे साहित्य मतदान केंद्रापर्यंत घेऊन जाण्यासाठी पीएमपी बस व अन्य वाहनांची व्यवस्था केली होती. सुरक्षेसाठी पोलिस बंदोबस्त होता. मतदानाच्या अगोदरच्या दिवशीची टिपलेली लगबग.