हवा शुद्ध करणारी यंत्रणा बंद

महापालिकेच्यावतीने शहरातील प्रदूषण नियंत्रणात ठेवण्यासाठी विविध उपाययोजना करण्यात आल्या आहेत. कोट्यवधींचा खर्च करून शहरातील अतिप्रदूषित ठिकाणी एअर प्युरिफिकेशन सिस्टीम व ऑटोमायझर बसविण्यात आले. सध्या शहरातील आकुर्डी, चिंचवड स्टेशन, पिंपरी चौक, कस्पटे चौक, भोसरी, नाशिक फाटा या भागात ही यंत्रणा बसवण्यात आली आहे. मात्र, यातील अनेक उपकरणे बंद अवस्थेत असल्याचे निदर्शनास आले आहे. शहरातील प्रदूषण कमी करून हवेची गुणवत्ता सुधारण्यासाठी उभारण्यात आलेली एअर प्युरिफिकेशन सिस्टीममधील यंत्रणा काही ठिकाणी बंद अवस्थेत असल्याचे चित्र आहे.