संत गोरा कुंभार चषक क्रिकेट स्पर्धेला उत्स्फूर्त प्रतिसाद

पिंपरी, ता. १३ ः पिंपरी-चिंचवडमधील कोकणस्थ कुंभार समाजाच्या वतीने आयोजित करण्यात आलेल्या संत गोरा कुंभार चषक क्रिकेट स्पर्धा नुकतीच मोशीतील एसएनबीपी मैदानावर पार पडली. अध्यक्ष सत्यवान साळवी, महिला अध्यक्षा रेश्मा साळवी, युवा आघाडी अध्यक्ष सुहास साळवी तसेच संस्थेचे सर्व पदाधिकारी, युवा आघाडी सदस्य व महिला सदस्य यांच्या उपस्थितीत स्पर्धेचे उद्‍घाटन झाले. यावेळी महेश पडवेकर, सुधीर जामसूदकर, दिनेश वहालकर, यशवंत पालकर, उमेश खैर, हेमंत खटावकर, विशाल साळवी, मंगेश कोलथरकर, सागर बोराटे, नीलेश भालेकर आदी उपस्थित होते. स्पर्धेसाठी गुहागर, चिपळूण, खेड, दापोली, संगमेश्वर, ठाणे, पुणे या विविध भागांतील १० संघ सहभागी झाले होते. स्पर्धेचे विजेतेपद श्री साई कन्स्ट्रक्शन या संघाने विजेतेपद पटकावले. किरण पवार, संतोष कुंभार, अजय साळवी, मंगेश साळवी, अविनाश बागावडे, ओमकार साळवी, अमित साळवी, साहिल साळवी, संजय निवलकर, संदीप शिरकर, मनोज साळवी यांनी विशेष परिश्रम घेतले.
---