फसवणूकप्रकरणी दोघांना अटक

पिंपरी, ता. ५ : शेअर मार्केटमध्ये पैसे गुंतवणूक करण्यास सांगून जास्त नफ्याचे आमिष दाखवत नागरिकांची आर्थिक फसवणूक करणाऱ्या दोघांना पिंपरी-चिंचवड सायबर सेलच्या पथकाने अटक केली.
सतीश सुरेश बुंदेले (रा. गोलांडे इस्टेट, लिंक रोड, चिंचवड), परेश गुलाब बिरदवडे (रा. जय मल्हार कॉलनी, वाल्हेकरवाडी, चिंचवड) अशी अटक केलेल्या आरोपींची नावे आहेत. पिंपरी-चिंचवड सायबर सेलचे पोलिस अंमलदार सूरज शिंदे यांनी बुंदेले व बिरदवडे याला चौकशीसाठी ताब्यात घेतले.
दोघांकडे चौकशी केली असता, त्यांनी कर्जत येथील एका व्यक्तीला शेअर मार्केटमध्ये पैसे गुंतवण्यास सांगून जास्त पैसे मिळतील, असे आमिष दाखवले. त्यातून त्या व्यक्तीची ११ लाख ७५ हजार रुपयांची फसवणूक केली होती. या गुन्ह्यात दोघांचा सहभाग निष्पन्न झाल्याने दोघांना कर्जत पोलिसांच्या ताब्यात देण्यात आले आहे. आरोपींनी वेगवेगळे बँक खाते सायबर फसवणूक करण्यासाठी उघडले असून, आरोपींनी उघडलेल्या खात्यांबाबत भारतातून ४० तक्रारी प्राप्त झालेल्या आहेत.
---------------------