नागरीकांची बातमीदारी

पायऱ्यांची दुरुस्ती करण्यात यावी
पिंपरी गाव महात्मा फुले कॉलेज ते सिद्धी कॉम्प्युटर जवळील स्टेडिअम जवळील छोट्या गेटच्या पायऱ्या तुटलेल्या आहेत. त्याठिकाणी ज्येष्ठ नागरिक, आठवडे बाजारात ये-जा करत असतात. पायऱ्या तुटल्यामुळे येथे अपघात देखील झाले आहेत. लवकरात लवकर पायऱ्या दुरुस्त कराव्यात.
- सुहास कुदळे, पिंपरीगाव.

सांडपाण्यामुळे परिसरात दुर्गंधी
चिंचवड स्टेशन येथील साईबाबा नगरच्या रस्त्यावरील ड्रेनेजच्या सांडपाण्यामुळे परिसरात दुर्गंधी पसरत आहे. वस्तीमधील परिसरातील नागरिकांना आजारी पडत आहे. येथील काम लवकरात लवकर पूर्ण करण्यात यावे.
- पंढरीनाथ म्हस्के, रुपीनगर

पादचाऱ्यांना फांदीचा अडथळा
चिंचवड गावातून थेरगावकडे येताना धनेश्वर पूल संपल्यावर उजवीकडे वेली व फांद्या रस्त्यावर आलेल्या आहेत. त्यामुळे पादचाऱ्यांना त्याचा अडथळा होत आहे. महापालिकेने दखल घेऊन योग्य ती उपाययोजना करावी.
- रमेश पाटील, चिंचवडगाव.